कालीकोटको पलाँतामा जीप दुर्घटनामा ८ जनाको मृत्यु, ९ जना घाइते

कालीकोटको पलाँता गाउँपालिका-३, राडुकाप्रे खोलामा जीप दुर्घटना भएको छ। प्रारम्भिक जानकारी अनुसार, दुर्घटनामा ८ जनाको मृत्यु भएको छ भने ९ जना घाइते भएका छन्।

गाउँपालिका अध्यक्ष विष्णुबहादुर रोकायाले घटनास्थलमा पुगेर ८ जनाको शव फेला परेको जानकारी दिएका छन्। उनले भने, “घाइतेहरूको उद्धार कार्य जारी छ र अहिलेसम्म ८ जनाको मृत्यु र ९ जना घाइते भएको जानकारी पाएका छौं।”