भिल्लारियललाई हराएर सोसिडाड सातौंमा

काठमाडौँ — स्पेनी ला लिगामा रियल सोसिडाडले सोमबार भिल्लारियललाई १–० ले हराएको छ । जितसँगै सोसिडाड २८ अंकमा सातौं स्थानमा उक्लेको छ र अर्को सिजन युरोपमा खेल्ने सम्भावना कायम राख्न सफल रह्यो ।

भिल्लारियल भने ३० अंकमै सीमित रहेर पाँचौं स्थानमा रह्यो । आफ्नो घरेलु मैदान रियल रेनामा प्राप्त सोसिडाडको जितमा जापानी खेलाडी ताकेफुसा कुबोल ५१ औं मिनेटमा निर्णायक गोल गरे ।

हारले भिल्लारियलले शीर्ष चारका लागि गरिररहेको प्रयासमा धक्का पुगेको छ । एथलेटिको बिलबाओ ३६ अंकमा चौथो स्थानमा छ र उसलाई भिल्लारियलमाथि छ अंकको अग्रता प्राप्त भएको छ ।