लालीगुराँस तारजाली सोलुसन कारखानामा आगोलागी

काभ्रे — काभ्रेको बनेपा नगरपालिका-६ मा रहेको लालीगुराँस तारजाली सोलुसन कारखानामा आगोलागी भएको छ । सोमबार बिहान करिब ११ :३० बजे ग्यास लिकेज भएर कारखानामा आगलागी भएको प्रारम्भिक अनुसन्धानबाट खुलेको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक मिन बहादुर घलेले जानकारी दिए । 

उनका अनुसार आगलागीबाट कुनै मानवीय क्षति भने भएको छैन । घटनाको क्षति विवरण आउन बाँकी रहेको उनले बताए ।

करिब ११:३० बजेदेखि सुरु भएको आगोलागी बनेपा नगरपालिकाको पानी ट्यांकर र धुलिखेल नगरपालिकाबाट आएको दमकल प्रयोग गरी साढे १२ तिर नियन्त्रणमा आएको प्रहरी नायब उपरीक्षक घलेले जानकारी दिए ।