सुनको मूल्य तोलामा १ हजारले गिरावट

काठमाडौं: आज स्थानीय बजारमा सुनको मूल्य तोलामा १ हजार रुपैयाँले घटेको छ। नेपाल सुनचाँदी व्यवसायी महासंघका अनुसार आइतबार १ लाख ६६ हजारमा कारोबार भएको छापावाला सुनको मूल्य आज घटेर १ लाख ६५ हजार रुपैयाँ कायम भएको छ। आइतबार पनि सुन प्रतितोला ५ सय रुपैयाँले घटेको थियो।

सुनको मूल्यमा गिरावटसँगै चाँदीको मूल्य पनि घटेको छ। महासंघका अनुसार आज चाँदी तोलामा ५५ रुपैयाँले घटेर १ हजार ९०५ रुपैयाँ पुगेको छ, जब कि आइतबार यसको मूल्य १ हजार ९६० रुपैयाँ थियो।