हुलाकी सडक निर्माणमा प्रयोग हुँदै आएका गाडीमा आगजनी

कपिलवस्तमा हुलाकी सडक निर्माणमा प्रयोग हुँदै आएका गाडीमा अज्ञात समूहले आगजनी गरेको छ । कपिलबस्तुको विजयनगर गाउँपालिका र शिवराज नगरपालिकामा हुलाकी सडक निर्माणमा प्रयोग हुँदै आएका ६ वटा गाडीमा आगजनी भएको हाम्रा संवाददाताले जनाएका छन् । आगजनीबाट गाडीमा पूर्णरुपमा क्षति पुगेको छ ।

विजयनगर गाउँपालिकामा एउटा स्काभेटर, दईवटा जेसीभी र दईवटा पिकअप भ्यानमा आगजनी भएको हो । यस्तै, शवराज नगरपालिकामा एउटा स्काभेटरमा आगजनी भएको प्रहरीले जनाएको छ । प्रहरीका अनुसार आगजनी कसले गरेको हो भन्नेबारे केही खुलेको छैन र घटनाको थप अनुसन्धान भइरहेको छ ।