पाँचथरमा धारिलाे हतियार प्रयाेग गरी ९ जनाको हत्या

७ जेठ, पाँचथर । पाँचथरमा ९ जनाको विभत्स हत्या भएको छ । जिल्लाको मिक्लाजुङ गाउँपालिका-३, आरुबोटे भन्ने स्थानमा गएराति दुई परिवारका ९ जनाको धारिलाे हतियार प्रयाेग गरी हत्या भएको हो । प्रहरीका अनुसार एक परिवारको पाँच र अर्को परिवारको ४ गरी ९ जनाको हत्या भएको जानाएकाे छ ।

१३ वर्षीया योवना शेर्मा, आठ वर्षीया मुना शेर्मा ४१ वर्षीय धनराज शेर्मा, ६ वर्षीया इक्सा शेर्मा,  र १२ वर्षीया आशिका खजुम लिम्बू छन् । त्यसैगरी, फियाक परिवारका ७४ वर्षीय वमबहादुर फियाक, उनकी श्रीमती तथा ३६ वर्षीया जस्मिता फियाक र २६ वर्षीया मनकुमारी फियाकको पनि हत्या भएको छ । थप विवरण ‍आउँन बाँकी छ ।

घटनाको अनुसन्धान गर्नको लागि केन्द्रीय अनुसन्धान ब्यूरो (सिआइबी) को टोली घटनास्थलतर्फ प्रस्थान गरेको छ।

घटनाको अनुसन्धान गर्नको लागि एसपी उमाप्रसाद चतुर्वेदी नेतृत्वको टोली घटनास्थलतर्फ प्रस्थान गरेको समाचारमा छ ।