रास्वपा सभापति रविलाई आज काठमाडौं ल्याइँदै 

काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेलाई आज काठमाडौं ल्याइने भएको छ । 

सहकारीको रकम अपचलन गरेको आरोपमा पक्राउ परेका रविलाई आज पोखराबाट काठमाडौं ल्याउन लागिएको हो । 

काठमाडौंमा जिल्ला सरकारी वकिलको कार्यालयमा बयानका लागि लामिछानेलाई ल्याउन लागिएको प्रहरीले जनाएको छ ।

सहकारीको रकम अपचलन गरेको आरोपमा काठमाडौंमा उजुरी परेपछि पोखरामा प्रहरीको हिरासतमा रहेका उनलाई काठमाडौं ल्याउन लागिएको हो । 

“आज साँझसम्म काठमाडौं ल्याइनेछ,” काठमाडौं प्रहरीका एक उच्च अधिकारीले बाह्रखरीसँग भने, “बयान नसकिँदासमेत काठमाडौं राखेर पुनः फिर्ता गरिनेछ ।”

यसअघि कुमार रम्तेल र छविलाल जोशीलाई पनि काठमाडौं झिकाएर बयान लिएपछि पोखरा फिर्ता गरिएको थियो । 

सहकारी ठगी प्रकरणमा अनुसन्धानका लागि रविलाई कात्तिक २ गते काठमाडौंबाट पक्राउ गरिएको थियो । 

उनीमाथि सहकारी ठगी, संगठित अपराध एवं सम्पत्ति शुद्धीकरण सम्बन्धी अनुसन्धान भइरहेको छ ।