बर्नमाउथसँग हार्‍यो म्यानचेस्टर युनाइटेड

म्यानचेस्टर युनाइटेड बर्नमाउथसँग पराजित भएको छ।

इंग्लिस प्रिमियर लिग अन्तर्गत गएराति भएको खेलमा युनाइटेड ०-३ गोलले पराजित भएको हो।

युनाइटेडलाई हराउन बर्नमाउथका डिन हुइजसेन, जस्टिन क्लुइभर्ट र एन्टोइन सिमेन्योले गोल गरे।

युनाइटेडले एउटा पनि जवाफी गोल फर्काएन।

जितसँगै बर्नमाउथ अंक तालिकाको पाँचौं स्थानमा उक्लिएको छ। उसले १७ खेलबाट ३१ अंक जोडेको छ। युनाइटेड समान खेलबाट २२ अंक जोडेर १३ औं स्थानमा छ।

गएराति नै भएको खेलमा फुलहम र साउथह्याम्प्टनले गोलरहित बराबरी खेल्दा लेसेस्टर सिटीलाई वुल्भ्सले ३-० गोलले पराजित गरेको थियो।