एमोरिम आएयता युनाइटेडको पहिलो जित

काठमाडौँ — म्यानचेस्टर युनाइटेडले युरोपा लिगमा बिहीबार नर्वेली टिम बोन्डोलाई ३–२ ले पराजित गरेको छ । प्रशिक्षककमा रुबेन एमोरिम आएता युनाइटेडको पहिलो जित हो । ओल्ड ट्रायफोर्डमा भएको खेलमा युनाइटेडले २–१ ले पछाडि रहेर यो खेल जितेको हो । युनाइटेडका लागि रासमस रोयलुन्डले दुई गोल गरे ।

युनाइटेडको यस नतिजापछि पाँच खेलबाट नौ अंक भएको छ र १२ औं स्थानमा छ । अर्को प्रिमियर लिग क्लब टोटनहम भने १० अंकमा नवौं स्थानमा छ । टोटनहमले अर्को खेलमा एएस रोमासँग २–२ को रोमाञ्चक बराबरी खेल्यो । इटालीकै सिरी ए क्लब लाजियो १३ अंकमा शीर्ष स्थानमा छ ।

लाजियोले अर्को खेलमा लुडोगोरेट्स राजग्राडसँग गोलरहित बराबरी खेल्यो । युरोपा कन्फ्रेन्स लिगमा भने चेल्सीले हेडेनहेमलाई २–० ले हरायो । त्यसमा क्रिस्टोफर एकुन्कु र मेखायोल मुडरिकले गोल गरे । चेल्सी चार खेलबाट १२ अंकसहित लिग तालिकाको शीर्ष स्थानमा रहेको छ । लेइगा वार्जाको पनि १२ अंक नै छ र उसले अर्को खेलमा ओमोनोमालाई २–० ले हरायो ।