१५ अंकले बढ्यो शेयरबजार, ६ अर्ब बढीको कारोबार

नेपाल स्टक एक्सचेन्ज (नेप्से) परिसूचक दोहोरो अ‌ंकले बढेको छ ।

साताको दोस्रो कारोबार दिन सोमबार नेप्से परिसूचक १५.८३ अंकले बढेर २६८३.२४ बिन्दुमा अडिएको हो ।

यस दिन बजारमा १ करोड २२ लाख ६३ हजार ७८० कित्ता शेयर खरिदबिक्री हुँदा ६ अर्ब ३४ करोड ५८ लाख ९ हजार रुपैयाँको कारोबार भएको छ । 

अघिल्लो कारोबार दिन आइतबार १३.०३ अंकले घटेर परिसूचक २६६७.४० बिन्दुमा बन्द भएको थियो ।

दोहारो अंकले बढे पनि ङादी ग्रुप पावर लिमिटेडको शेयरमूल्य सबैभन्दा बढी १० प्रतिशतले घटेको छ । 

सोमबार कारोबारका आधारमा ङादी ग्रुप पावर लिमिटेड ५४ करोड ७ लाख ५० हजार रुपैयाँको कारोबारका साथ शीर्ष स्थानमा रहेको छ ।